داستان پیر مرد قفل ساز و امام زمان
یک مردک بیه خلی آرزو داشت امام زمونه بوینه و وی همرا گپ بزن .
خلی ریاضت کشم بیه٬ شوئون ناخسم بیه و بشنوسسه بیه که اگر آدم چهل تا چارشنبه ی شو بشوئه مچد سهله ( کوفه)٬ نماز مغرب و عشا ره اوجه باخنده٬ تونده امام زمونه بوینه.
این مردک چندین سال چارشنبه شمبیه مچد سهله عبادت کنمبیه موفق نبیه. ولی وی صورت نورانی بیه و نور تتق کشمبیه.
تا اینکه روزی وره الهام ببیه:
الان حضرت بقیه الله ( عج) در بازار آهنگرون٬ یک پیرمردکی که وی شغل قفل سازی هسسه ٬ وی مغازه ی دله نیشته و هدی همرا گپ زندنه. اگر ته وانه وره بوینی٬ بشو اوجه.
وختی این مرد عابد و زاهد برسیه مغازه ای دری کندا٬ بدیه حضرت (عج) اوجه نیشته و پیرمردک قفل سازی همرا گپ زنده.
اسا داستونی ادامه ره باخندین:
مرد عابد بوته:
امومه که بدیه مه٬ وره سلام هاکردمه٬ حضرت بوته علیکم السلام٬ منه بوته سامه ( ساکت ) باش و بیاش چی گذرنه.
من دی لام تا کاف هیچ چی نوتمه.
یه دفه بدیه مه٬ یه پیره زنک٬ که خلی درشات ( ناتوان) بیه ٬ وی دس عصا دبیه٬ بیما مغازه ی دله٬ یه قفله نشون بدا بوته این قفله می دس هایر و سه زار منه هادین.
قلف ساز وگرسسه پیره زنک بوته: جانه مار٬ این قلفی قیمت هشته زاره. من چی به مردمی ماله ارزون بخرینگنم ٬ واشونی حق ضایع کنم.
تی قلف هشه زار ارزش دارن ٬ من وره هفته زار خرینمه٬ روشه مه هشه زار٬ یک زار می استفاده ببو٬ چون من اگر این معامله ی دله یک زار ویشتر استفاده ببه رم ٬ خدا ره قاهر ( قهر)گیرنه.
پیره زنک اول وره باور نبیه٬ بوته کسی این قلف می دس سه زار نخرمبیه٬ ته وانه منه هفه زار هادیی.
به هر حال قلف ساز وره هفه زار هادا و پیره زنک بشیه.
اموم زمون رو به من کرده بوته: بدی مسلمونی ره ؟!؟!
مسلمونی به تسبیح٬ الله و شالله
ریاضت و سیر و سلوک احتیاج ندارنه.
مسلمونی ره در گفتار٬ کردار و رفتارتون نشون بدیین.
این شهر به این گته ای ٬ همین قلف ساز مسلمونه من آمه وی خدمت.
وی انصاف ٬ وی رحم و مروت٬ وی انسونیته بدی؟
بی خدی هی الکی دوعا کنمی ٬ آقا بیا.
آقا بیا چی هاکنه ٬ آقا امی شکل و قیافه ای بیازاره.
اما همه مون ٬ دروگو و مسلمونه ظاهری هسسه می.
مسلمونی واقعی ره خده ٬ آقا اشنوسه نه٬ وی همرا ملاقات کنده.
✍ ارسال متن از: آریوبرزن کیان، گته ده
📝 ویرایش و عکس از: سیده مریم قادری، اورازان
این داستان زیبا با صدای آریوبرزن کیان تقدیم به شما (دریافت کنید)
