مار٬ مادر٬ مامی
ماری که وی چشون دنیاره نوینمبیه٬ بیمارسسونی دله ٬ خدشی پسری تختی ور ٬ نیشته بیه و برمه کنمبیه.......
فرشته ای بیما و رو به ماره کرده و بوته :
ای مار ( مادر) من از جونبه خه دا بیمامه ٬ رحمته خه دا بر این قرار بیته که فقط تی یکی از ارمونون ( آرزو ره بر آورده کنه ٬ بو که از خدا چی خواهنی؟
مار رو به فرشته کرده و بوته:
از خه دا خواهمه ٬ می لیله ( بچه) ره شفا هادیه.
فرشته بوته :
پشیمون نبه نی؟
مار ( مادر) بوته :
نه !
فرشته بوته :
اللون تی وچه شفا پیدا کرده ٬ ولی ته تونسسی خدتی چشمی بینایی ره خه دا د بخوای....
مار برید خن ( خنده بریده) بزا ٬ بوته ٬ ته درک نکندی!
چند سال از این موجرا ( ماجرا) بگذشته و پسر گته ببیه و مرده موفقی ببیه و مار وی به جشن بیته.
پسرک عاررسی بکرده و خدشی زنکه خلی دوس داشته....
پسرک رو به ماره کرده و بوته :
جانه مار ندومه چه جوری تی به بوام :
می زنک نتونده تی همرا ٬ زندگی بکنه.
وانه تی به ٬ یه خونه بیرم و ته بشی اوجه زندگی به کنی.
ماره رو به خدشی وچه کرده و بوته:
نه جانه رو ٬ من شمه سرای سالمندون ٬ خه دمی هم سنو سالونی همرا سر کنه مه و اشونی ور راحت هس سمه.....
ماره ٬ خونه د درگا ما ٬ بشیه یک گوشه بنیشته ٬ زار زار برمه بکرده.
فرشته دواره جیر بیما و بوته:
ای مار ( مادر) بدی٬ تی پسر چه بلایی تی سر بیارده ؟
اسا پشیمون نی؟
نخواه نی وره نفرین کنی ؟
مار بوته :
نه پشیمون نیه مه و خدمی وچه ره نفرین و ناله نکنمه .
آخه ته چه دوندی؟
فرشته بوته :
ادی ( باز) ٬ خدایی رحمت تی شامل ببیه و ته توندی آرزویی کنی.
اسا بو ٬ بیاشم تی ارمون چی هسسه؟
آیا خدتی چشمی سو ره خه دا د
طلب کندی؟
مار با اطفینون پاسخ هادا ٬ نه !
فرشته با تعججب وره بپرسیه :
پس تره چی وانه ؟
بوته از خه دا خواهمه ٬ می عارس ٬ زنه خوبی بو و بتونه می پسره ٬ خش وخت کنه ٬ آخه من که دنییمه تا خدمی پسری مواظب بم.
فرشته ای چشمی اشک بپاته ( جاری شد) و د تا چککه اشک ٬ بریخته ٬ ماری چشمی دله ٬ ماری چشم ٬ سو دکته ...
وختی زن ( مادره) ٬ فرشته ای چشمی اشکه بدیه.
بوته :
مگه فرشته دی برمه کنده ؟
فرشته بوته : بلی !
اما فرشته ان ٬ وختی برمه کنه می
که ٬ خه دا دی برمه کنده.
ماره خبر هایته :
مگه خه دا دی برمه کنده ؟!
فرشته جواب بدا:
خه دا از شوق آفرینش موجودی به نام مار برمه کنده...
هیچکس و هیچ چی ره ٬ نشانه ماری همرا ٬ مقایسه کردن
به افتخار مارون ( مادرون ) :
بزن دس چرککه ره
آریوبرزن کیان
این متن زیبا به صورت صوت تلگرامی در کانال موجود است.
